Otu okhi ọghẹ ivb’Ẹdo re’ọ ghaa rre uwu ẹmwẹ emwa ẹvbo ni da hiin usi vbe or’Ẹdo. Ukpo 1938 ẹre Elijah Osaheni Igbinigie kevbẹ ivbi-ẹvbo n’a rẹẹn se ayọ mue otu na gbọọ, usun emwa ni ghaa rre nene otu okhiẹvbo kegha re avbẹ ọduẹki nikhua, avbẹ ọmamwaemwi, ekhaẹmwẹ kevbẹ emwa n’yowebe. Uki uki ẹre iran y’agha do iko, koko emwa maa iran emwi vbe mua ẹmwe ye emwi kpataki, eriọ iran vbe ya agha loo igho ye iku vbe ugie ughughan vbene ugbemwẹ ọrhiọwẹlowẹ ye. Nnamdi Azikiwe ne ọ re ọmw’karo n’ọ ghaa kha’emwisẹ vbe Enaigerria ọre ọ ghaa rre ọmwa n’ọdo guan vbe ọkpa vbe usun iko okaro n’iran do vbe ukpo 1938 (ọtotaa ye odaro, adesẹneva vbe obiy’ọmwa).
Alọngẹ ghaa rre usun emwa ni mu otu okhi ọghe ivbi-ẹdo na gbọọ (uviẹn iyeke, okhie vbo obiy’ọmwa) ọ vbe gha re ọmwa uyi vbe uwẹbu ihuaẹre, avbe ọmamwaẹmwi kevbẹ ọkai-evbo. Vbe ukpo 2018, otu okhi ọghẹ ivbi-Ẹdo na dugie ọgba vbe ukpo iyenẹ na ghi mu enrẹn gbọọ. Emwa ni ghi rre otu na ẹdẹ n’ẹrẹ ọ re ivbi avbe emwa hia ni mu ọnrẹn gbọọ kevbe avbe eyẹ ọgh’iran.
U rẹẹn mwẹ ra?
U gha rẹẹn ọmwa rọkpa vbe ama na, loo QR, rrie ebe igiemwi vbẹ uwu re ugha-ọrhiemwima ra uwuya elisofonarchives@si.edu (u ghi gbẹn Owa Isey’ama n’kere yọ uhunmwu) ya gbẹn ebe igiemwi rrie olaba ọghe edomwadẹ emwa nọ re ama vbẹ emwa rrie ne Eliot Elisofon Photographic Archives. Ọmwa ne ọ nwina mwa gha ghẹẹre ighẹ ọ gbare, a ghi do dia avbe emwi ne agbẹn lele ọrhiemaa na.
If you recognize any of the individuals in this photograph, reference the letter assigned to each person and submit information to the Eliot Elisofon Photographic Archives via email (place Ideal Photo Studio in subject line). As staff verify the information, exhibition labels and archives records will be updated.
