Evbaruy’otọ nẹ wi: Or’ẹdo vbe Ẹghẹ N’olae kevbe Ẹghẹ N’aye na ọ re inwina inwina isey’ama kukugbe n’a debaa onwina Victor Ehikhamenor ne ọs’ama vbe Enaigirria ru. Avbe ama egbe emwa ne Alọngẹ ghaa se’ama vb’ẹghẹ okaro kevbe vbe n’ọya mien emwa ni mu inwina ne vbe or’Ẹdo, Or’Eko, ore London, ore New York kẹkevbẹ ore Washington DC, Evbaruy’otọ nẹ wi ya ghee itan ọ ghẹ inwina isey’ama vbẹ or’Ẹdo laẹ uwu agbọn emwa ni dia or’Ẹdo ya kpẹẹ nẹ vbọ kevbẹ avbẹ emwi owa isey’ama n’kere. Agharhiemiẹ ghe emwa ni bun vbe iran na rre ukpo ekigbesiyenẹ ra ukpo iyenẹ, iran ye kakabọ yee ẹsẹsẹ onwina Alonge kevbẹ owa isey’ama ọnrẹn. Okha edọmwadẹ ọghọre kevbẹ avbe ivbi-ẹvbo, avbe ow’ebe, avbe otu, avbe otu ivbi-is’inwina kẹkevbe avbe ehe n’ẹdẹ ya s’egbe avbẹ ọgua ẹbọ n’a werriegbe se y’ama rre usun odẹ ne Ẹghẹ N’olae kevbe Ẹghẹ N’aye ya ghe or’Ẹdo vbẹ emwi n’ẹdẹ n’ọma i wu.
